مسحرااتي مصحياااتي
أنا جاااي ليلاااتي أحكي حكاياااتي
إصحا وصحصح وافهم لغاااتي
كلامي حصري ولسااااني مصري
لكنه عربي •• ومن جوا ذاااتي
ودني ما سمعت كلامك
لكن قلبي حااااسسها
ساعات فيه كلمة ودني متفهمهاش
قلبي بيسمع كلامك اللي ماينقال
دقاته تفرح لومن بعيد ناديتيه
بيشوف ويسمع
لكن بخت الحزين ليه مااال ؟؟؟
واهو قاعد وعمااااال
بيدعي وسط الليالي يااا ليله
أشكيلك هم الناس والأوطااان
أحكيلك ٠٠وتسمعي
تقووولي : أمماال
منا عالبعد آاااه بلدي حاسسها
ودقة من قلبها نبضي يونسها
ودمعة من عيني ياربي احرسها
واسمعها من قلبي «متى يهل الفجر »
بلسااااني ماقولهاش في ليلة القدر
مش كل كلمة لساني يبقى ٠٠ حاسسها
إصحا يااانايم .. إصحا ياغفلااان
إحنا انتصرنا لما اتحدنا وكنا إخوان
كان العلم واحد صبح العلم ألوااان
الوان وأجناااس لكن أصلنا وااحد
الدمع لو يختلف يبقى الوجع واحد
والأقصى واحد لكن من خانوووه ألوان
أنا مسحرااتي الوطن راجعلكم بكرا
شايل فانوس العروبة للعرب ذكرى
إصحا وصحصح وافهم لغاتي
دا كلامي محشي بمكسراااتي
ومعادنا بكرا ودايما ليلااااتي
مع حكاااوي المسحراااتي
*
* مسحراتي الوطن/ محمد الأشقر
ليست هناك تعليقات:
إرسال تعليق